ChessAcademy.am
ՀՀ դպրոցականների շախմատի 14-րդ օլիմպիադա
2020-12-12
ՀՀ դպրոցականների շախմատի 14-րդ օլիմպիադայի եզրափակիչ փուլ
Ս․թ․ դեկտեմբերի 11-13-ը ք․ Ծաղկաձորում կմեկնարկի ՀՀ դպրոցականների շախմատի 14-րդ օլիմպիադայի եզրափակիչ փուլը։ Եզրափակիչ փուլի կազմակերպումն ու անցկացումն իրականացում են Հայաստանի շախմատի ակադեմիան՝ ՀՀ կրթության և գիտության նախարարության ղեկավարությամբ, Հայկական Բարեգործական Ընդհանուր Միության հովանավորությամբ և Գրողների «Ծաղկաձոր ստեղծագործական տուն» հյուրանոցային համալիր աջակցությամբ։
Օլիմպիադայի եզրափակիչ փուլում մրցելու և հաղթողի կոչման համար պայքարելու իրավունք են ստացել ք. Երևանի և ՀՀ բոլոր մարզերի դպրոցների 8 ուժեղագույն թիմեր։ Դրանք են՝
- Նաիրի Զարյանի անվան հ. 130 հիմնական դպրոց
- Անտոն Չեխովի անվան հ. 55 հիմնական դպրոց
- Հրազդանի Հ. Պարոնյանի անվան թիվ 12 հիմնական դպրոց
- "ՖՈՏՈՆ" ՎԱՐԺԱՐԱՆ
- Երևանի հ. 181 հիմնական դպրոց
- Աշտարակի, Գր. Ղափանցյանի անվ. թիվ 4 հիմնական դպրոց
- Նիկոլայ Գոգոլի անվան հ. 35 հիմնական դպրոց
- ԵՊՀ-ին առընթեր Ա. Շահինյանի անվան ֆիզիկամաթեմատիկական հատուկ դպրոց
Մրցաշարը կանցկացվի օլիմպիական մրցակարգով:
