ChessAcademy.am
Ավարտվեցին ‹‹շախմատ›› առարկայի ուսուցիչների լիցենզավորման դասընթացները
2022-07-15Այսպիսով ավարտվեցին Հայաստանի շախմատի ակադեմիայի և ‹‹Շախմատ գիտահետազոտական ինստիտուտ››-ի կողմից իրականացվող ‹‹շախմատ›› առարկայի ուսուցիչների լիցենզավորման դասընթացները։
Դասընթացներն անցկացվեցին առկա, հիբրիդային և առցանց եղանակներով:
Այս անգամ բացի հոգեբանամանկավարժական և շախմատային հարցերից քննական հարցաշարերին ավելացվել էր նաև դասի պլան լրացնելը:
Վերապատրաստումներին մասնակցեցին ընդհանուր թվով 430 ուսուցիչներ ամբողջ ՀՀ տարածքից:
Առաջիկայում մեզ սպասվում են.
- վերապատրաստման ևս մեկ խումբ (օգոստոսի վերջին)` այն ուսուցիչների համար, ովքեր հարգելի պատճառներով չեն կարողացել մասնակցել հունիս-հուլիսյան վերապատրաստումներին, և նրանց համար, ովքեր տիրապետում են շախմատին, ունեն բարձրագույն կրթություն, և ցանկանում են ստանալ դասավանդման իրավունք,
- վերապատրաստում Արցախի ուսուցիչների համար (օգոստոսի 23-26-ին), որը կիրականացվի Ստեփանակերտ քաղաքում,
- ուսուցիչների պարտադիր ատեստավորում (օգոստոսի վերջ):
