ChessAcademy.am

ՀՀ դպրոցականների շախմատի 15-րդ օլիմպիադայի եզրափակիչ փուլի բացման արարողություն

2021-10-26

Քաղաք Գյումրիում այսօր կայացավ ՀՀ դպրոցականների շախմատի 15-րդ օլիմպիադայի եզրափակիչ փուլի բացման հանդիսավոր արարողությունը:

Օլիմպիադայի ընդհանուր ղեկավարումն իրականացնում է ՀՀ կրթության, գիտության, մշակույթի և սպորտի նախարարությունը` Հայաստանի շախմատի ակադեմիայի, մարզպետարանների և տեղական ինքնակառավարման մարմինների աջակցությամբ:

Մրցումները մեկնարկել էին դեռևս գարնանը՝ ներդպրոցական փուլով, որին հաջորդեցին օլիմպիադայի ծրագրով նախատեսված համայնքային-տարածաշրջանային ու մարզային փուլերի մրցումները։ Դրանց արդյունքներով էլ որոշվեցին լավագույնները, որոնք վաղվանից՝ շախմատի խաղատախտակների առջև կսկսեն մրցապայքարը և 15 տուրից բաղկացած մրցաշարով կորոշեն հաղթող ու մրցանակակիր թիմերին։

Եվ այսպես օլիմպիադային իրենց մասնակցությունն են բերել հանրապետության մարզերը, քաղաքամայր Երևանը և Արցախի Հանրապետությունը ներկայացնող հետևյալ 16 թիմերը.

Երևան

Էլիտա հեղինակային միջազգային դպրոց
թիվ 11 հիմնական դպրոց
թիվ 181 հիմնական դպրոց           

Լոռի

Սպիտակի թիվ 1 հիմնական դպրոց 
Ստեփանավանի թիվ 2 հիմնական դպրոց               

Շիրակ

 «Ֆոտոն» վարժարան
 Ախուրյանի թիվ 1 հիմնական դպրոց

Տավուշ

Աչաջրի միջն. Դպրոց             

Սյունիք

 Գորիսի թիվ 1 դպրոց             

Արմավիր           

Էջմիածնի թիվ 12 դպրոց

Արարատ           

Մասիսի թիվ 3 հիմնական դպրոց 

Կոտայք             

Եղվարդի թիվ 3 հիմնական դպրոց

Արագածոտն     

Աշտարակի Վ. Պետրոսյանի անվան հիմնական դպրոց

Գեղարքունիք     

Վարդենիք կրթահամալիր

Վայոց Ձոր         

Վայքի հիմնական դպրոց

Արցախ               

Հաթերքի միջնակարգ դպրոց։

Բացման արարողությանը մասնակիցներին ողջունեցին ՀՀ դպրոցականների շախմատի 15-րդ  օլիմպիադայի գլխավոր մրցավար, միջազգային կարգի մրցավար Վահագն Խաչատրյանը և  ՀՀ Շիրակի  մարզպետարանի  կրթության,  մշակույթի և սպորտի  վարչության  մշակույթի  և  սպորտի բաժնի  պետ և Վաչագան Վարդանյանը։

Միջոցառումն ամփոփվեց թիմերի միջև վիճակահությամբ, որի արդյունքում պարզ դարձան առաջիկա օրերին մրցող զույգերը:

Խաղերը կմեկնարկեն հոկտեմբերի 27-ին, ժամը 10:30-ին ք. Գյումրիի Օլիմպիկ հյուրանոցում:

 




Developed by 5165m Studio